सर्वोच्च अदालतमा पाँच न्यायाधीश नियुक्त

काठमाडौं, वैशाख ६ : सर्वोच्च अदालतमा पाँच जना न्यायाधीश नियुक्त भएका छन्। 

शुक्रबार राष्ट्रपति विद्यादेवी भण्डारीले न्याय परिषदको सिफारिसमा संविधानको धारा १२९ को उपधारा २ बमोजिम सर्वोच्च अदालतमा पाँच न्यायाधीश नियुक्त गरेकी हुन्।

सर्वोच्चको न्यायाधीशमा प्रकाशकुमार ढुंगाना, सुष्मलता माथेमा, कुमार रेग्मी, हरिप्रसाद फुयाल र डा. मनोजकुमार शर्मा नियुक्त भएका हुन्।  ढुंगाना र माथेमा उच्च अदालतका मुख्य न्यायाधीश थिए भने रेग्मी, फुयाल र शर्मा कानून व्यवसायी मध्येबाट न्यायाधीशका लागि सिफारिसमा परेका थिए। 

यसअघि बिहीबार बसेको संसदीय सुनुवाई विशेष समितिको बैठकले पाँच जनाको नाम सर्वसम्मतीबाट अनुमोदन गरेको थियो।