विश्वभरमा कोरोना संक्रमितको संख्या २ करोड ३८ लाख

काठमाडौं, भदौ ९ : विश्वभर कोरोना भाइरस (कोभिड १९) बाट संक्रमित हुनेको संख्या २ करोड ३८ लाख नाघेको छ ।

पछिल्लो २४ घण्टामा विश्वभर २ लाख १२ हजार वढी संक्रमित थपिएसँगै संक्रमितको संख्या २ करोड ३८ लाख ६ हजार ७ सय ९४ पुगेको छ ।

यसैगरी पछिल्लो २४ घण्टामा कोरोना संक्रमणबाट विश्वभर ४ हजार  ३ सय २८ जनाले ज्यान गुमाए ।

यो सँगै विश्वभर कोरोना संक्रमणबाट ज्यान गुमाउनेको संख्या ८ लाख १६ हजार ५ सय ५२ पुगेको छ ।

यसैगरी विश्वभर १ करोड ६३ लाख कोरोना संक्रमित निको भएका छन् भने ६६ लाख संक्रमित उपचाररत रहेका छन् ।