करिष्मा र शान्ता पनि एसइई दिँदै (सात तस्बिर)
काठमाडौं, चैत १०: आजदेखि यसवर्षको एसइई शुरु भएको छ । पहिलो दिनको परीक्षामा देशभर शान्तिपूर्ण रुपमा शुरु भएको छ।
यस वर्षको एसइईमा सेलिब्रेटी ....
काठमाडौं, चैत १०: आजदेखि यसवर्षको एसइई शुरु भएको छ । पहिलो दिनको परीक्षामा देशभर शान्तिपूर्ण रुपमा शुरु भएको छ।
यस वर्षको एसइईमा सेलिब्रेटी पनि सहभागी भएका छन् । चर्चित अभिनेत्री करिष्मा मानन्धर पनि एसइई दिँदै छिन् ।
४५ वर्षीया अभिनेत्री मानन्धर पछिल्लो पटक नयाँ शक्ति पार्टीमा संलग्न छिन्। उनी डिल्लीबजारस्थित स्मारक माध्यमिक विद्यालय केन्द्रबाट परीक्षा दिँदै छिन्।
त्यस्तै, दाङबाट सांसद् शान्ता चौधरी पनि एसइई दिँदै छिन् । उनी छोरी बिनु चौधरीसँगै परीक्षा दिइरहेकी छन्। उनी दाङको तुलसीपुरस्थित महेन्द्र मावि केन्द्रबाट परीक्षामा सहभागी भएकी छन् ।
प्रतिनिधि सभामा नेकपाको प्रमुख सचेतक समेत रहेकी चौधरीले एसइई दिँदा खुशी रहेको बताइन् । उनले परीक्षामा सहभागि हुन अघि भनिन्, ‘एकदम उत्साहित छु । मिहिनेत गरेर पढेकी छु । राम्रै हुन्छ होला।’
आज बिहान ८ बजेदेखि परीक्षा शुरु भएको छ । पहिलो दिन अंग्रेजी विषय रहेको छ।
परीक्षा नियन्त्रण कार्यालय सानोठिमीका अनुसार यस वर्ष चार लाख ७५ हजार तीन परीक्षार्थी परीक्षा रहेका छन् । यस वर्षदेखि संघीय संरचना अनुसार, परीक्षा हुँदैछ।
आजदेखि शुरु भएको परीक्षा चैत २१ गते सकिने छ।
एसइईमा सहभागी परीक्षार्थी:
