पर्साका दुई स्वास्थ्यकर्मीसहित १७ जनामा कोरोना संक्रमण पुष्टि

काठमाडौं, साउन ८ : पर्सामा दुई स्वास्थ्यकर्मीसहित थप १७ जनामा कोरोना संक्रमण पुष्टि भएको छ। नारायणी अस्पतालको प्रयोगशालामा गरीएको परीक्षणमा थप १७ जनामा संक्रमण पुष्टि भएको हो। 

संक्रमित मध्ये १३ पुरुष र चार जना महिला रहेका छन्। 

साउन ६ गते अस्पतालमा उपचाररत बिरामी र उपचारमा संलग्न चिकित्सकको स्वाब संकलन गरी परीक्षण गरिएको थियो। बुधबार राति आएको रिपोर्ट अनुसार १७ जनामा संक्रमण पुष्टि भएको नारायणी अस्पतालले जनाएकाे छ।

कतिपय संक्रमितमा कोरोनाका लक्षणसमेत देखिएको छ।