भारतमा एकैदिनमा १९ हजार बढीमा कोरोना

काठमाडौं, असार १५ : भारतमा एकै दिन १९ हजारभन्दा बढीमा कोरोना भाइरसको संक्रमण भएको छ ।

पछिल्लो २४ घण्टामा १९ हजार ६२० जनामा संक्रमण पुष्टि भएसँगै संक्रमितको कुल संख्या ५ लाख ४९ हजार १९७ पुगेको हो ।

यस्तै एकै दिन ३८४ जनाको मृत्यु भएपछि भारतमा कोरोना भाइरसको संक्रमणबाट मृत्यु हुनेको संख्या १६ हजार ४८७ पुगेको छ ।

भारतमा संक्रमितमध्ये ३ लाख २१ हजार ७७४ जना संक्रमणमुक्त भएका छन् ।