प्रदेश १ मा थप २७ जनामा कोरोना संक्रमण पुष्टि

काठमाडौं, असार १४ : प्रदेश १ मा पछिल्लो २४ घण्टामा थप २७ जनामा कोरोना संक्रमण पुष्टि भएको छ।

सामाजिक विकास मन्त्रालयका अनुसार आइतबार ७ महिला र २० पुरुषमा कोरोना संक्रमण पुष्टि भएको हो। 

मोरङको १७, झापाको दुई,  उदयपुरको ६, इलामको एक र सुनसरीको एक जनामा संक्रमण पुष्टि भएको हो। 

संक्रमितहरु भारतबाट स्थानीय क्वारेन्टाइनमा बस्दै आएका थिए। 

योसँगै प्रदेश १ मा कोरोना संक्रमितको संख्या ५६० पुगेको छ।