बझाङको बुंगलमा अटो दुर्घटना, तीन जनाको मृत्यु
दुर्घटनामा परी बुंगल नगरपालिका–१० निवासी अन्दाजी ४० वर्षीया राजमति महरा, १६ वर्षीया तारा महरा र ५ वर्षीया डल्ली महराको मृत्यु भएको प्रहरीले जनाएकाे छ।
बझाङ, कात्तिक ३० : बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ।
सोमबार बिहान करिब १०ः२० बजे टुमेडा गाउँबाट सोहि ठाउँ को वडा नं. ११ हिड्नेगडा बजारतर्फ जाँदै गरेको नम्बर नखुलेको अटोको ब्रेक फेल भई सडकबाट करिब ९०० मिटर तल भिरमा खसेर दुर्घटना भएको जिल्ला प्रहरी कार्यालय बझाङका प्रहरी निरिक्षक उपेन्द्र तिमिल्शेनाले बताए।
दुर्घटनामा परी बुंगल नगरपालिका–१० निवासी अन्दाजी ४० वर्षीया राजमति महरा, १६ वर्षीया तारा महरा र ५ वर्षीया डल्ली महराको मृत्यु भएको प्रहरीले जनाएकाे छ।
अटोमा चालकसहित ४ जना सवार थिए। एकजनाकाे खाेजी भइरहेकाे प्रहरीले जनाएकाे छ।
घटनाको जानकारी प्राप्त हुनासाथ अस्थायी प्रहरी पोस्ट पुतलीलेकबाट प्रहरी सहायक हवल्दार उत्तम सिंह बोहराको कमान्डमा प्रहरी टोली घटनास्थलमा खटिएको थियो। घटनास्थल प्रहरी पोस्टबाट करिब एक घण्टा पैदल दूरीमा रहेको जनाइएको छ।
बालकको खोजी कार्य भइरहेको र घटनाबारे थप अनुसन्धान तथा विवरण संकलन भइरहेको प्रहरीले जनाएको छ।






