भोटेकोशी वाढी प्रभावितका लागि स्वास्थ्य शिविर, ३०० बढी स्थानीयको स्वास्थ्य परीक्षण
शिविरमा ३०० भन्दा बढी स्थानीयको स्वास्थ्य परीक्षण आयोजकले जनाएको छ । स्वास्थ्य परीक्षणपछि आवश्यकताअनुसार निःशुल्क औषधिसमेत वितरण गरिएको थियो । शिविरमा विशेषगरी आँखासम्बन्धी समस्या भएका स्थानीयको उल्लेख्य सहभागिता रहेको थियो । १५० भन्दा बढीको आँखाको परीक्षण गरिएकोमा आवश्यक पर्ने सेवाग्राहीलाई निःशुल्क चस्मासमेत वितरण गरिएको नेपाल युवा परिषद्बका अध्यक्ष बानियाँले बताए ।
नुवाकोट, असोज १७ : भोटेकोशी बाढीका कारण सडक अवरुद्ध हुँदा अस्पतालसम्म पुग्न कठिनाइ भोगिरहेका तार्केश्वर गाउँपालिका–२ का स्थानीयलाई लक्षित गरी आयोजित निःशुल्क स्वास्थ्य शिविर सम्पन्न भएको छ । साहारा फाउन्डेशनका अध्यक्ष सुदीप घिमिरे, टुगेदर फर चेन्जका अध्यक्ष मिन अधिकारी र नेपाल युवा परिषद्का अध्यक्ष सरोज बाँनियाको संयुक्त पहलमा माझीगाउँ र ठुलोपोखरीमा स्वास्थ्य शिविर सञ्चालन गरिएको हो ।
शिविरमा ३०० भन्दा बढी स्थानीयको स्वास्थ्य परीक्षण आयोजकले जनाएको छ । स्वास्थ्य परीक्षणपछि आवश्यकताअनुसार निःशुल्क औषधिसमेत वितरण गरिएको थियो । शिविरमा विशेषगरी आँखासम्बन्धी समस्या भएका स्थानीयको उल्लेख्य सहभागिता रहेको थियो । १५० भन्दा बढीको आँखाको परीक्षण गरिएकोमा आवश्यक पर्ने सेवाग्राहीलाई निःशुल्क चस्मासमेत वितरण गरिएको नेपाल युवा परिषद्बका अध्यक्ष बानियाँले बताए ।
तारकेश्वरको ६ वटै वडामा गर्ने उदेश्य राखिएको यस शिबिर वर्ड नं २ बाट थालनि गरिएको टुगेदर फर चेन्जका अध्यक्ष अधिकारिले जानकारी दिए । शिबिरको लागि आबश्यक औषधिहरुको प्रबन्ध साहारा फाउन्डेशन सामाजिक सस्थाका अध्यक्ष तथा मेडिकल ब्यवसायि समेत रहेका सुदिप घिमिरेले गरेका थिए । निकट भविष्यमा बिदुर नगरपालिकामा समेत स्वास्थ्य शिविर आयोजन गर्ने समेत जानकारी नेपाल युवा परिषदका केन्द्रीय अध्यक्ष बानियाले वताए ।
भोटेकोशी बाढीपछि सडक अवरुद्ध हुँदा स्थानीय नागरिकलाई नियमित स्वास्थ्य सेवाका लागि अस्पताल तथा स्वास्थ्य संस्थासम्म पुग्न समस्या भइरहेको अवस्थामा शिविर आयोजना गरिएको हो । अस्पतालसम्म पुग्न नसकेका नागरिकलाई स्थानीयस्तरमै स्वास्थ्य परीक्षण तथा आवश्यक औषधि उपलब्ध गराएर तत्काल राहत पुर्याउनु कार्यक्रमको मुख्य उद्देश्य रहेको आयोजकहरूले बताएका छन् ।
