चैनपुरमा जन्ती बस दुर्घटना, दुईको मृत्यु
हेटौँडा, फागुन २८ : मकवानपुरको गढी गाउँपालिका–२ चैनपुरमा जन्ती बस दुर्घटना भएको छ । दुर्घटनामा दुई जनाको मृत्यु भएको छ भने १७ जना घाइते भएका छन्....
हेटौँडा, फागुन २८ : मकवानपुरको गढी गाउँपालिका–२ चैनपुरमा जन्ती बस दुर्घटना भएको छ । दुर्घटनामा दुई जनाको मृत्यु भएको छ भने १७ जना घाइते भएका छन् ।
मंगलबार भक्तपुरबाट जन्ती बोकेर हेटौँडा आउँदै गरेको बा ४ ख २२१७ नम्बरको बस कान्ति लोकमार्गअन्तर्गत मकवानपुरको गढी गाउँपालिका–२ चैनपुरमा दिउँसो करीब २ बजे दुर्घटना भएको हो ।
दुर्घटनामा परी १७ जना घाइते भएका छन् । घाइतेमध्ये पाँच जनाको अवस्था गम्भीर रहेको जिल्ला प्रहरी कार्यालयले जनाएको छ । घाइतेहरुलाई उपचारका लागि हेटौडा अस्पताल लगिएको छ ।
बस सडकबाट तल खसेको छ । उद्धार चलिरहेको प्रहरीले जनाएको छ ।
प्रकाशित मिति: १५:४४ बजे, मंगलबार, फागुन २८, २०७५
थप समाचार
