एमालेले विद्या भण्डारीलाई वरिष्ठ नेता बनाउने

काठमाडौं, असोज ८ : नेकपा एमालेले पूर्वराष्ट्रपति विद्यादेवी भण्डारीलाई पार्टीको वरिष्ठ नेता बनाउने भएको छ ।

बिहीबार बसेको पार्टी सचिवालय बैठकले भण्डारीलाई वरिष्ठ नेता बनाउने  निर्णय गरेको हो। सो निर्णय अब जारी केन्द्रीय कमिटीको बैठकले  उनको अनुमोदन गर्नेछ।

एमालेले गत फागुनको चुनावमा हारेपछि पार्टीभित्र समीक्षा गर्दै जेठमा सदस्यता खुलाउने निर्णय गरेको थिय ।

यसअघि एमालेले  राष्ट्रपति भएर देशको अभिभावकत्व गरिरहेको व्यक्ति पार्टी राजनीतिमा आउन नमिल्ने तर्क गर्दै भण्डारीको सदस्यता रोकेको थियो।

राष्ट्रपति बन्नुअघि भण्डारी एमाले उपाध्यक्ष थिइन्।