कांग्रेसले मंगलबार समानुपातिकतर्फको बन्दसूची आयोगमा बुझायो  

काठमाडौं, पुस १५ : नेपाली कांग्रेसले मंगलबार समानुपातिकतर्फको बन्दसूची बुझाएको छ। केहीबेर अघि निर्वाचन आयोगमा बन्दसूची बुझाइएको हो। 

खसआर्यतर्फका तीन महिलामा कसलाई राख्ने भन्ने बिषयमा विवाद हुँदा बन्दसूचीलाई अन्तिम रूप दिन ढिलाई भएको थियो। 

मंगलबार समानुपातिक बन्दसूचीको नाम टुंगो लगाएपछि सभापति देउवाद्वारा हस्ताक्षरित सूची आयोगमा बुझाइएको छ। 

मुख्यसचिव कृष्ण पौडेलले समानुपातिकको सूची आयोगमा बुझाएका हुन्। कांग्रेससँगै बन्दसूची पेस गर्ने दलको संख्या ६४ पुगेको छ।