सुनचाँदीको मूल्यमा दैनिक नयाँ रेकर्ड

काठमाडौं, पुस ९ : नेपाली बजारमा बुधबार सुनचाँदीको मूल्यले दैनिक नयाँ रेकर्ड कायम गरिरहेको छ। बुधबार पनि दुवैको मूल्यले नयाँ रेकर्ड बनाए।

बुधबार सुनको मूल्य तोलामा ९ सय रुपैयाँले बढेको छ। योसँगै सुनको मूल्य नेपाली बजारमा २ लाख ६८ हजार १ सय रुपैयाँमा पुगेको छ। यो हालसम्मकै उच्च मूल्य हो। 

यसअघि मंगलबार ५५ सय रुपैयाँ बढेर सुनको मूल्य २ लाख ६७ हजार २ सय रुपैयाँ कायम भएको थियो।

यस्तै बुधबार चाँदीको मूल्य पनि तोलामा १६५ रुपैयाँ बढेको छ। बजारमा चाँदी प्रतितोला ४ हजार ४२० रुपैयाँमा किनबेच भइरहेको छ।

अन्तरराष्ट्रिय बजारमा एक औँस सुन ४ हजार ५ सय २५ र चाँदी ७३ अमेरिकी डलरमा खरिदबिक्री भइरहेको छ।