‘आ बाट आमा’ को प्रचारमा  धनगढी पुगे पल र विपना

कैलाली, पुस २ : आगामी माघ १६ गतेबाट प्रदर्शनमा आउन लागेको फिल्म ‘आ बाट आमा’को प्रचारप्रसार थालिएको छ।

सोहीक्रममा फिल्मको प्रचारका लागि नायक पल शाह र अभिनेत्री विपना थापा धनगढी पुगेका छन्। जारी सुदरपश्चिम महोत्सवमा उपस्थित भएर पल शाह र अभिनेत्री विपना थापाले फिल्मको प्रचार गरे।

पल शाह र विपना थापालाई देखेपछि दर्शकले आइ लभ यु पल शाह र विपना थापा भन्दै हुटिङ गरेका थिए। महोत्सवमा दर्शकको माया पाएकी अभिनेत्री विपना थापा र अभिनेता पल शाह पनि खुशी भएका थिए।

चन्द्र पन्तले निर्देशन गरेको फिल्ममा उनकै कथा तथा पटकथा छ। फिल्मको संगीतमा कोसिस क्षेत्री, बाबुल गिरी, थानेश्वर गौतम रहेका छन्। फिल्मका गीतको कोरियोग्राफी गंभिर बिष्ट र दिलिप ओखेडाको रहेको छ।

फिल्ममा विपना र पलसँगै प्रदीप रावत, उषा उप्रेती, सिम्रन पन्त, साइग्रेस पोखरेल, गजित विष्ट, बेगम नेपाली लगायतले मुख्य भूमिकामा अभिनय गरेका छन्।