पुतलीबजार नगरपालिकाले गर्‍यो निःशुल्क कुखुराको चल्ला तथा दाना वितरण

स्याङ्जा, मंसिर ११ : पुतलीबजार नगरपालिकाका वडा न ५, ६ र ७ मा बुधबार  निःशुल्क कुखुराको चल्ला तथा दाना वितरण गरिएको छ ।

आर्थिक वर्ष २०८२, ८३ को वार्षिक स्विकृत कार्यक्रम अन्तर्गत सञ्चालित “मासुमा आत्मनिर्भर तथा स्वस्थ मासु उत्पादन कार्यक्रम” मा आधारित रहेर नगरपालिकाकाले सिफारिस तथा छनौट भएका कृषकहरुलाई चल्ला र दाना वितरण गरेको हो । 

चल्ला र दाना वितरण गर्दै नगर प्रमुख रेग्मीले कृषि उत्पादनको प्रवर्द्धन, आय–आर्जनका अवसरको विस्तार तथा स्थानीय किसानहरूको जीविकोपार्जनमा टेवा पुर्‍याउने उद्देश्यले नगरपालिकाले यो खालको कार्यक्रम सञ्चालन गरेको बताए । 

यो कार्यक्रममार्फत लाभग्राही कृषकहरूलाई आवश्यक परिमाणमा चल्ला र दाना प्रदान गर्नुका साथै दिगो कृषि प्रवर्द्धन, सुरक्षित तथा स्वस्थ मासु उत्पादन, र स्थानीय तहमा आय–आर्जन सुदृढीकरणतर्फ अभिमुख गराउने कार्य नगरको प्रमुख प्राथमिकता रहेको समेत रेग्मीको भनाइ छ ।