तत्काल पार्टी खोल्ने कुनै तयारी छैन : दुर्गा प्रसाईँ
‘व्यवस्था परिवर्तन भएपुग्छ। मैले सबै कुरा त्यागेको छु। हिजो दलहरुले चलाउँदा देश तालामा थिए। आज आगोको भुङ्ग्रोमा खसेको छ । त्यहाँबाट देशलाई निकाल्नु छ।’-1763372062.png)
काठमाडौं, मंसिर १ : मेडिकल व्यवसायी दुर्गा प्रसाईँले तत्काल पार्टी खोल्ने तयारीमा आफू नरहेको बताएका छन्।
सोमबार पत्रकार सम्मेलनको आयोजना गर्दै उनले आफूलाई पार्टी खोल्ने, प्रधानमन्त्री र मन्त्री बन्ने कुनै रहर नरहेको भन्दै व्यवस्था परिवर्तन भए आफूलाई पुग्ने बताए।
त्यस्तै उनले आज आगोको भुङ्ग्रोमा देश खसेको भन्दै त्यहाँबाट देशलाई निकाल्न आवश्यक रहेको धारणा राखे।
‘मलाई कुनै स्वार्थ छैन। मैले पार्टी खोलेको छैन। खोल्नैपरे पछि सोचौंला। पार्टी खोल्ने कुनै रहर पनि छैन। पार्टी खोल्ने, प्रधानमन्त्री र मन्त्री बन्ने कुनै रहर छैन,’ उनले भने, ‘व्यवस्था परिवर्तन भएपुग्छ। मैले सबै कुरा त्यागेको छु। हिजो दलहरुले चलाउँदा देश तालामा थिए। आज आगोको भुङ्ग्रोमा खसेको छ। त्यहाँबाट देशलाई निकाल्नु छ।’
उनले गरिबी भगाउने भनेको गरिबहरुलाई नै लखेट्ने होइन भन्दै काठमाडौं नगर प्रहरीले भने गरिबहरुलाई लखेट्ने काम गरेको बताए।
‘गरिबी भगाउने हो, गरिबहरुलाई नै लखेट्ने होइन्। किनकी गरिब, भूमिबिहीन र काठमाडौंमा गरिखान्छु भनेर आएका जतिपनि मान्छे छन् तिनीहरुको साथमा दुर्गा प्रसाईँ छ । तिनीहरुलाई केही पनि हुन दिँदैन,’ उनले भने, ‘काठमाडौंको नगर प्रहरीले गर्दा काठमाडौंका दोकानमा बोनी हुन छाडेको छ। प्रत्येक व्यापारीहरु डिप्रेसनका गएका छन्।
त्यस्तै उनले मंसिर ७ गतेको आन्दोलन सम्पूर्ण नेपालीहरुको लागि भएको भन्दै त्यसमा आफ्नो कुनै स्वार्थ नभएको बताए।
