सिके रावतले पृथकतावादी अभियान छोडेको घोषणा गर्दै
काठमाडौं, फागुन २४ : मधेशमा छुट्टै राज्यको माग गर्दै अभियान चलाइरहेका डा.सिके रावतले पृथकतावादी अभियान छोडेको घोषणा गर्ने भएका छन् ।
आज दिउस....
काठमाडौं, फागुन २४ : मधेशमा छुट्टै राज्यको माग गर्दै अभियान चलाइरहेका डा.सिके रावतले पृथकतावादी अभियान छोडेको घोषणा गर्ने भएका छन् ।
आज दिउसो १ बजे राष्ट्रिय सभागृहमा आयोजना हुने कार्यक्रममा स्वतन्त्र मधेश गठबन्ध छोडेको घोषणा गर्न लागेको जनाएको छ । त्यही कार्यक्रममा प्रधानमन्त्री केपी शर्मा ओलीले पनि सम्बोधन गर्ने छन् ।
त्यस्तै, डा.रावतले पनि निकटका व्यक्तिहरूलाई सभागृहमा बोलाएका छन् । उनी बिहीबार मात्रै सर्वोच्च अदालतको आदेशमा रिहा भएका थिए । स्वतन्त्र मधेश राज्यको अभियान चलाइरहेका डा.रावतलाई राज्यविरुद्धको अभियोगमा पक्राउ गरिएको थियो ।
उपप्रधान एवं रक्षा मन्त्री ईश्वर पोखरेलका अनुसार राउतले केही दिन अघिमात्रै सरकारसँग प्रथकतावाली आन्दोलन परित्याग गर्ने घोषणा गर्ने सम्झौता गरेका थिए ।
आज राष्ट्रिय सभागृहमा आयोजित कार्यक्रममा प्रधानमन्त्री ओलीसँगै राउत पनि सहभागि हुनेछन् ।
उनले नेतृत्व गरेको स्वतन्त्र मधेश गठबन्धन पनि विघटन भएको घोषणा गर्ने जनाएको छ ।
प्रधानमन्त्री ओलीका प्रेस संयोजक डा.कुन्दन अर्यालले दिउसो १ बजे हुने कार्यक्रमका लागि आमन्त्रण गर्दै ट्वीट गरेका छन् ।
आज दिउँसो १ बजे राष्ट्रिय सभागृहमा सम्माननीय प्रधानमन्त्री केपी शर्मा ओलीले विशेष महत्वकाे विषयमा सम्बोधन गर्दै हुनुहुन्छ। प्रत्यक्ष प्रसारण गर्न इच्छुक मिडियालाई स्वागत गर्दछौं।
— Kundan Aryal (@TheRealKalamchi) March 8, 2019
