विभागबाटै अनलाइन संचारमाध्यम दर्ता तथा नवीकरण गर्न अझै केही समय लाग्ने
कानुनी प्रक्रिया बाँकी रहेकाले केही समय लाग्ने बताए। उनले विभागबाटै काम हुनेगरी प्रक्रिया अघि बढीसकेको जानकारी दिए।
काठमाडौं, असोज २३ : अनलाइन संचारमाध्यम दर्ता तथा नवीकरण अब पुरानै व्यवस्थाअनुसार सूचना तथा प्रसारण विभागबाट गर्न अझै केही समय लाग्ने भएको छ।
सञ्चार तथा सूचना प्रविधिमन्त्री जगदिश खरेलले विहीबारको मन्त्रिपरिषद बैठकपछि संचारकमीहरुले राखेको जिज्ञासामा उनले कानुनी प्रक्रिया बाँकी रहेकाले केही समय लाग्ने बताए। उनले विभागबाटै काम हुनेगरी प्रक्रिया अघि बढीसकेको जानकारी दिए।
यसअघि जिल्ला प्रशासन कार्यालयमा अनलाइन दर्ता गर्नुपर्ने सरकारको निर्णय उल्ट्याएको थियो। अनलाइन दर्ता र नवीकरण अब जिल्ला प्रशासन कार्यालयमा गर्नुपर्ने प्रावधान हटाएको थियो।
सूचना विभागको महानिर्देशकलाई स्थानीय अधिकारी तोक्ने गरी छापाखाना तथा प्रकाशनसम्बन्धी निर्णय सच्चाइएको थियो।
प्रकाशित मिति: २०:४४ बजे, बिहीबार, असोज २३, २०८२
प्रतिक्रिया दिनुहोस्
थप समाचार
