सुनको मूल्य तोलामा २५ सयले बढ्यो, २ लाख १० हजार नाघ्यो

काठमाडौं, भदौ २० : नेपाली बजारमा सुनको मूल्यले नयाँ रेकर्ड कायम गरेको छ। 

नेपाल सुनचाँदी व्यवसायी महासंघका अनुसार शुक्रबार सुनको मूल्य तोलामा २ हजार ५ सयले बढेर तोलामा २ लाख  १० हजार ४०० रुपैयाँ कायम भएको छ। 
 
बिहीबार सुन २ लाख ७ हजार ९ सय रुपैयाँमा करोबार भएको थियो। सुनको मूल्य पछिल्लो एक सातामा १० हजार रुपैयाँ बढेको छ।

यस्तै, आज चाँदीको मूल्यले पनि नयाँ रेकर्ड बनाएको छ। बिहिबार तोलामा २ हजार ४ सय ८० रुपैयाँ कायम भएको चाँदीको मूल्य शुक्रबार १० रुपैयाँले बढेर २ हजार ४ सय ९० रुपैयाँ मूल्यमा कारोबार भएको महासंघले जनाएको छ।