सुख्खा पहिरो अरनिको राजमार्ग अवरुद्ध

काभ्रे, भदाै ५ : सुख्खा पहिरोले अरनिको राजमार्ग अवरुद्ध भएको छ। 

बिहीबार बिहान धुलिखेल–खावा सडकखण्डमा सुख्खा पहिरो खसेपछि यातायात पूर्णरूपमा अवरुद्ध भएको हो।

प्रहरी र स्थानीयको सहयोगमा सडक खुलाउने प्रयास भइरहेको छ। ठूलो मात्रामा सुख्खा माटो र ढुंगा थुप्रिएका सडक खुलाउन समय लाग्ने बताइएको छ।

पहिरोका कारण सडक दुवैतर्फका सवारी साधन रोकिएका छन्। यात्रुहरु बाटोमै अलपत्र परेका छन्।