कैदीको मृत्युपछि आफन्तद्वारा वीरगञ्जमा प्रदर्शन

पर्सा, साउन २७ : अहिले वीरगञ्ज क्षेत्र तनावग्रस्त बनेको छ।  एक कैदीको मृत्यु भएपछि आफन्तहरूले नारायणी उपक्षेत्रीय अस्पतालमा अगाडि आफन्तले टायर बालेर प्रदर्शन गरिरहेका छन्।

२८ वर्षीय कैदी राहुल साहको मंगलबार मृत्यु भएको थियो। शारिरिक अभ्यासका क्रममा बोहोस भएका उनलाई तत्कालै अस्पताल लगेलगत्तै उनको मृत्यु भएको हो।

उनी कर्तव्य ज्यानको मुद्दामा दोषी ठहर भएर २५ वर्ष सजाय भोगिरहेका थिए।

साहको मृत्युपछि आफन्तहरुले कारागार प्रशासनको लापरबाही भएको आरोप लगाएका छन्।