जाजरकोटमा एम्बुलेन्स दुर्घटना, चालकको मृत्यु

जाजरकोट, साउन २६ : जाजरकोटमा एम्बुलेन्स दुर्घटना हुँदा चालकको मृत्यु भएको छ। 

भेरी नगरपालिका-१ कोलचौर नजिकै कल्ले खोलामा आज भे१च २२४७ नम्बरको एम्बुलेन्स दुर्घटना भएको छ।

दुर्घटनामा एम्बुलेन्सका चालक भेरी-१ डौंरीकाँडाका २७ वर्षीय सुनिल चनाराको मृत्यु भएको हो। 

अस्थायी प्रहरी पोष्ट होलुखोलाका प्रहरी नायब निरीक्षक वीरबहादुर थापाका अनुसार भेरी-१ डौँरीकाँडा बिरामी लिन जाँदै गर्दा एम्बुलेन्स दुर्घटना भएको हो। 

उकालो सडकमा भित्तामा ठोक्किएर एम्बुलेन्स दुर्घटना भएको हो। चालक चनाराको घट्नास्थलमै ज्यान गएको प्रहरीले जनाएको छ।