प्रतितोला १९ सय बढेको सुनको मूल्यले बनायो नयाँ रेकर्ड

काठमाडौं, साउन २० : नेपाली बजारमा सुनको मूल्य नयाँ रेकर्ड बनाएको छ। मंगलबार प्रतितोला १९ सय रुपैयाँले बढेसँगै सुनको मूल्यमा नयाँ रेकर्ड कायम भएको हो।

मंगलबार सुनको मूल्य प्रतितोला १ लाख ९८ हजार ५ सय रुपैयाँ पुगेको छ। यो हालसम्मकै उच्च हो।

यसअघि वैशाख ९ गते अहिलेसम्मकै उच्च मूल्य १ लाख ९७ हजार ९ सय रुपैयाँमा पुगेको थियो। 

यसतै, चाँदीको मूल्य तोलामा २५ रुपैयाँ बढेको छ। अघिल्लो दिन प्रतितोला २२५५ रुपैयाँमा कारोबार भएको चाँदी आज २२८० रुपैयाँ पुगेको छ।