गोसाईंकुण्डमा बेपत्ता भएका दुवैजना युवा मृत फेला 

काठमाडौं, साउन १२ : गोसाइँकुण्डमा स्नान गर्ने क्रममा बेपत्ता भएका दुईजना युवक मृत अवस्थामा फेला परेका छन् । उनीहरु विराटनगरका रहेको खुलेको छ। 

मृत भेटिएका उनीहरु विराटनगर महानगरपालिका–३ ढाटका २६ वर्षीय सुजन ढकाल र बेलबारी नगरपालिका–११ का २८ वर्षीय मनोज न्यौपाने बेपत्ता भएका थिए। 

उनीहरू नाताले मामा–फुपुका छोरा (दाजुभाई) रहेको प्रहरीले जनाएको छ । उनीहरुलाई सोमबार बिहान १० बजे प्रहरीले मृत अवस्थामा फेला पारेको हो। मृत भेटिएका उनीहरुको शव काठमाडौं ल्याउने तयारी भइरहेको छ। 

काठमाडौं बस्दै आएका न्यौपाने र विराटनगरस्थित घरमा बस्दै आएका ढकाल साउन १० गते काठमाडौंबाट साईभाईसँग गोसाईंकुण्ड गएका थिए। 

एक जना नुहाउने क्रममा चिप्लिएपछि उद्धार गर्न गएका अर्का युवकको पनि डुबेर मृत्यु भएको जनाइएको छ।