जसपाले फिर्ता लियो सरकारलाई दिएको समर्थन, राष्ट्रिय सभामा अल्पमतमा सरकार

काठमाडौं, असार ३२ : जनता समाजवादी पार्टी (जसपा) नेपालले सरकारलाई दिएको समर्थन फिर्ता लिने निर्णय गरेको छ।

बुधबार बसेको जसपा, नेपाल संसदीय दलको बैठकले समर्थन फिर्ता लिने निर्णय गरेको हो। 

गत असार ९ गते बसेको केन्द्रीय कार्यकारिणी समितिको बैठकले सरकारलाई दिएको समर्थन फिर्ता लिन संसदीय दललाई निर्देशन दिएको थियो। 

सोही निर्देशन अनुरुप संसदीय दलले औपचारिक निर्णय लिएको हो । जसपाले समर्थन फिर्ता लिएसँगै राष्ट्रिय सभामा सत्ता पक्ष अल्पमतमा परेको छ ।