एमालेको सचिवालय बैठक बिहीबार बस्ने 

काठमाडौं, असार ३२ : सत्तारुढ नेकपा एमालेले बिहीबारका लागि सचिवालय बैठक डाकेको छ। बिहीबार दिउँसो १ बजे पार्टी कार्यालय च्यासलमा बस्ने गरी बैठक डाकिएको हो। 

आगामी साउन ५ गते बस्ने केन्द्रीय कमिटी बैठकको ऐजेन्डा तय गर्न बैठक डाकिएको जनाइएको छ। सचिवालय बैठकलगत्तै साउन २ गते पोलिटब्युरो बैठक बोलाइएको छ। 

सचिवालय बैठकले केन्द्रीय कमिटी हुँदै विधान महाधिवेशनमा लैजाने विधान संशोधनको प्रस्ताव तय गर्ने जनाइएको छ। साउन २ गते पोलिटब्युरो बैठक बोलाइएको छ । 

त्यसलगत्तै साउन ५ गते केन्द्रीय कमिटी बैठक बस्ने छ। एमालेको विधान महाधिवेशन आगामी भदौ २०–२२ गते काठमाडौंमा हुँदैछ।