वित्तीय पहुँच विस्तार गर्न ‘डिजिटल बैंक’ स्थापना गरिने

काठमाडौं, असार २४ : नेपाल राष्ट्र बैंकले ‘डिजिटल बैंक’ स्थापना गर्ने भएको छ । 

राष्ट्र बैंकद्वारा शुक्रबार सार्वजनिक २४औँ मौद्रिक नीतिमा वित्तीय पहुँच विस्तार गर्न नियो बैंक स्थापना गर्ने भनिएको छ। 

उक्त बैंक स्थापनका लागि कानुनी र प्रक्रियागत व्यवस्था अघि बढाउने मौद्रिक नीतिले लक्ष्य लिएको छ। 

सरकारको आर्थिक वर्ष २०८२÷८३ को बजेट वक्तव्य अनुसार वित्तीय पहुँच विस्तार गर्न ‘नियो बैंक’ स्थापनाका लागि कानुनी र प्रक्रियागत व्यवस्था अघि बढाउन लागेको मौद्रिक नीतिमा उल्लेख छ। नियो बैंकमा अनलाइनबाट कारोबार हुने छ।