जलविद्युतमा लगानी अभिवृद्धिको लागि अनुकुल नीति लिएका छौं : अर्थमन्त्री

काठमाडौं, असार २७ : अर्थमन्त्री विष्णुु पौडेलले जलविद्युतको विकासमा निजी क्षेत्रको लगानी अभिवृद्धि गर्नको लागि अनुकुल नीतिहरु लिएर अघि बढेको बताएका छन्। 

नेपाल आर्थिक पत्रकार संघ (नाफिज)को आयोजना र पुरस्कार वितरण तथा बजेट र मौद्रिक नीति समन्वय अन्तरक्रिया कार्यक्रमलाई सम्बोधन गर्दै उनले बजेटमा ‘टेक एन्ड पे’को विषय धेरै चर्चामा रहेपनि फिर्ता लिएर राम्रो निर्णय गरेको धारणा राखे। 

‘बजेटमा टेक एन्ड पेको विषय धेरै चर्चामा रह्यो, समाचारको विषय बन्यो । क्रिया प्रतिक्रियाको विषय बन्यो, त्यो फिर्ता लिइसककेको छौं। नेपालमा जलस्रोतको फराकिलो सम्भावना छ,’ उनले भने, ‘त्यो सम्भावनालाई अधिकतम सदुपयोग गरेर जलविद्युतको विकासका निजी क्षेत्रको लगानी अभिवृद्धि गर्नको लागि पक्कै पनि अनुकुल नीतिहरु लिएर अघि बढ्ने छौं। उत्पादन गरेको विद्युत कहाँ कसरी खपत हुन्छ भन्ने कुरामा लाग्नुपर्ने आवश्यक छ।’ 

अर्थमन्त्री पौडेलले विद्युतको खपत बढाउनका लागि इभीको करलाई स्थिर राखिएको बताए।

‘विद्युतीय सवारीको सन्दर्भमा एउटा कोच तयार गरेको छौं। करका नीति र करका दरमा स्थिर नीति लिएको छौं,’ उनले भने, ‘विश्सनिय प्रवद्र्धनको पक्षमा छौं भन्ने हिसाबले अहिलेको बजेट प्रस्तुत भएको छ। यसले उत्साहित नै गरेको छ।’

त्यस्तै नेपाल उद्योग वाणिज्य महासंघका अध्यक्ष चन्द्र ढकालले आर्थिक गतिविधि बढाउनेगरी मौद्रिक नीति आउनुपर्ने भन्दै बजेट र मौद्रिक नीतिमाको समयन्वय भएरै आउने विश्वास व्यक्त गरे।