टेक्सासमा बाढीमा परी ११९ जनाको मृत्यु
बाढीका कारण सबैभन्दा धेरै प्रभावित बनेको काउन्टीमा अझैंपनि कम्तिमा १६१ जना बेपत्ता रहेको बताइएको छ।-(20)-1752129517.jpg)
वासिङ्टन डिसी, असार २६ : अमेरिकाको टेक्सास राज्यमा जुलाई ४ मा आएको विनाशकारी बाढीले हालसम्म कम्तिमा ११९ जनाको ज्यान लिएको छ। स्थानीय अधिकारीहरुका अनुसार मृतकको संख्या अझै बढ्न सक्ने अनुमान गरिएको छ।
बाढीका कारण सबैभन्दा धेरै प्रभावित बनेको काउन्टीमा अझैंपनि कम्तिमा १६१ जना बेपत्ता रहेको बताइएको छ।
टेक्सासका गभर्नर ग्रेग एबोटले मंगलबार राति राज्यभरि कम्तिमा १७३ जना बेपत्ता रहेको बताए। पीडितहरूको सम्मानमा जुलाई १४ मा नभएसम्म राज्यको झण्डा आधा झुकाइने भएको छ ।
राष्ट्रिय मौसम सेवा विभागका अनुसार, विगत एक दशकमा संयुक्त राज्य अमेरिकामा बाढीले प्रति वर्ष औसत ११३ जनाको ज्यान लिने गरेको छ।
प्रकाशित मिति: १२:२३ बजे, बिहीबार, असार २६, २०८२
प्रतिक्रिया दिनुहोस्
थप समाचार
