तोकिएको समयमा महाधिवेशन नगरे कांग्रेसका भातृ संगठन स्वतः भंग

काठमाडौं, जेठ २४ : नेपाली कांग्रेसका भ्रातृ संस्थाहरूले तोकिएको समयमा महाधिवेशन गर्न नसके स्वतः भंग हुने भएका छन्।

कांग्रेस केन्द्रीय समिति बैठकमार्फत महाधिवेशन गर्न नसकेका भ्रातृ संस्थाहरुलाई उनीहरुले प्रस्ताव गरेको समयावधि उपलब्ध गराइएको छ। 

यसअघि पनि कांग्रेसले २०८१ चैत्र मसान्तभित्र महाधिवेशन गर्नै पर्ने र गर्न नसकेमा स्वतः पदावधी समाप्त हुने भन्दै निर्देशन दिएको थियो। 

अधिवेशन गराउन पार्टी केन्द्रीय समितिबाट प्रत्येक भ्रातृ संस्थाका लागि ३/३ जना हुने गरी निर्देशक समिति समेत तय भएको छ। 

महाधिवेशनका लागि हरेक भ्रातृ संस्थामा व्यवस्थापन समिति समेत गठन गरिने छ।