Kathmandu Press

विरोध सुरु भएकाले सहकारी नियमन प्राधिकरणले सोचेजस्तो काम गर्न सकेन : मन्त्री अधिकारी

मन्त्री अधिकारीले सहकारी नीति र उद्देश्य अनुसार काम नगरेको भन्दै स्रोत नखुलेका अवैध पैसा सहकारीमा चलाइने बताए।  
विरोध सुरु भएकाले सहकारी नियमन प्राधिकरणले सोचेजस्तो काम गर्न सकेन : मन्त्री अधिकारी

काठमाडौं, असार २१ : भूमि व्यवस्था, सहकारी तथा गरिबी निवारणमन्त्री बलराम अधिकारीले सबैको माग अनुसार सहकारी नियमन प्राधिकरण बनेपनि प्राधिकरणले चाहेनुसार काम गर्न नसकेको बताएका छन्। 

शनिबार अन्तर्राष्ट्रिय सहकारी दिवसको अवसरमा राष्ट्रिय सहकारी महासंघ नेपालले आयोजना गरेको कार्यक्रममा बोल्दै उनले प्राधिकरणको सुरुवता नहँुदै विरोध सुरु भएकाले काम गर्न नसकेको बताएका हुन्। 

Hardik ivf

‘सबैको माग अनुसार सहकारीलाई नियमन गर्न सहकारी नियमन प्राधिकरण बनेको हो  यसले कसरी काम गर्छ, कस्तो विधि बनाउँछ भन्ने कुराको सुरुवात नहुँदै नियन्त्रण र खवरदारीको कुरा आउन थाल्यो। बिग्रेको कुरालाई नियन्त्रण नगर्ने हो भने त्यो ठिक ठाउँमा आउँदैन,’ उनले भने।

मन्त्री अधिकारीले सहकारी नीति र उद्देश्य अनुसार काम नगरेको भन्दै स्रोत नखुलेका अवैध पैसा सहकारीमा चलाइने बताए।  

‘हामीले सहकारी नीति र उद्देश्य अनुसार काम गरेका छौ कि छैनौं भन्ने हो। तर सहकारीले ठुलो रकम कसरी आयो भन्नेबारे ख्याल गर्न पर्छ कि पर्दैन। बैंकले त्यसलाई ख्याल गर्नैपर्छ। त्यसको स्रोत चाहिन्छ,’ उनले भने, सहकारीले साच्चै धितो नराखिकन ५०/६० करोड एउटै व्यक्तिलाई दिने अधिकार कहाँ छ? हाम्रो उद्देश्य भित्र छ ? छैन । यो गम्भीर प्रश्न हो।’ 

उनले पछिल्लो समय सहकारी गलत बाटोमा हिँड्दा विभाग, मन्त्रालयले ध्यान दिन नसकेको स्विकार गर्दै अव सच्चिएर जानुपर्ने बताए। 

प्रकाशित मिति: १९:१० बजे, शनिबार, असार २१, २०८२
Jaga shaktiJaga shakti
Globle IME bankGloble IME bank
प्रतिक्रिया दिनुहोस्