सुनचाँदी व्यवसायीहरू सडक आन्दालेमा

काठमाडौं, असार १९ : सुनचाँदी व्यवसायीहरु सडक आन्दालेमा उत्रिएका छन्। 

नेपाल सुनचाँदी रत्न तथा आभूषण महासंघ र नेपाल सुनचाँदी व्यवसायी महासंघ विहीबार सडक आन्दोलनमा उत्रिएका हुन्।

सुनचाँदीमा गरिएको बजेट व्यवस्थाका कारण व्यवसायी मारमा परेको बताउँदै दुईवटा महासंघ संयुक्त रुपले सडक आन्दोलनमा उत्रिएका हुन्। 

उनीहरुले सुनमा लगाइएको २ प्रतिशत विलासिता कर र बहुमूल्य हिरा पत्थरमा १३ प्रतिशत भ्याट खारेज गर्न, सुनको भन्सार ६ प्रतिशत कायम गर्न, सुनचाँदी कारोबारको लागि प्रष्ट नीति नियमावली निर्माण गर्ने लगायत माग राखेका छन्। 

बजेटमार्फत सरकारले सुनचाँदीका गहनामा २ प्रतिशत विलासिता कर लगाएको छ । व्यवसायीहरु त्यस्को विरोधमा सडकमा उत्रिएका हुन्। यसअघि पनि आन्दोलन गरिए पनि सरकारले बजेट संशोधनको बेला माग सम्बोधन गर्ने आश्वासनदिएपछि आन्दोलन र विरोधका कार्यक्रम स्थगित गरिएको थियो। 

व्यवसायीका अनुसार जुनसुकै मूल्यका सुनका गहना खरिदमा पनि २ प्रतिशतको विलासिता शुल्क तिर्नुपर्ने अवस्थाका कारण सुन वा सुनका गहनामा कम्तीमा ६ प्रतिशतको विलासिता शुल्क तिर्नुपर्ने अवस्था आएको छ ।