गण्डकी प्रदेश मन्त्रिपरिषद् बैठकले गर्यो बजेट वक्तव्य अनुमोदन
गण्डकी प्रदेश सरकारले चालू आर्थिक वर्षमा ३४ अर्ब ८४ करोडको बजेट ल्याएको थियो। अहिले आर्थिक वर्ष २०८२/०८३ को लागि बजेटको आकार बढाएको छ।
काठमाडौं, असार १ : गण्डकी प्रदेश मन्त्रिपरिषद्को बैठकले आइतबार आगामी आर्थिक वर्ष २०८/०८३ का लागि बजेट वक्तव्य अनुमोदन गरेको छ।
गण्डकी प्रदेश मन्त्रिपरिषद् कार्यालयले बजेट अनुमोदन गरेको हो। मन्त्रिपरिषद बैठकले आर्थिक वर्ष २०८२/०८३ को बजेट वक्तव्यसहितको राजस्व र व्ययको अनुमान स्वीकृत गर्दै प्रदेश सभामा पेस गर्ने निर्णय समेत गरेको छ।
गण्डकी प्रदेश सरकारले चालू आर्थिक वर्षमा ३४ अर्ब ८४ करोडको बजेट ल्याएको थियो। अहिले आर्थिक वर्ष २०८२/०८३ को लागि बजेटको आकार बढाएको छ।
बागमती प्रदेश सरकारले भने बजेट ल्याउन ढिलाई गरेको छ। बागमती प्रदेश सरकारले बजेटको लागि तीन बजे प्रदेश सभा बोलाए पनि बेलुका ६ बजे बस्ने गरी स्थगित गरेको छ।
लुम्बिनी प्रदेश मन्त्रिपरिषदले पनि बजेट स्वीकृत गरेको छ।
प्रकाशित मिति: १७:३४ बजे, आइतबार, असार १, २०८२
प्रतिक्रिया दिनुहोस्
थप समाचार
