अध्यात्म र ‘गीता’बारे छलफल गर्न मन्त्री पन्तको सुझाव

काठमाडौं, जेठ १० : शिक्षा, विज्ञान तथा प्रविधिमन्त्री रघुजी पन्तले अध्यात्मका बारेमा सबैले पढ्नुपर्ने बताएका छन्। 

कल्पना रिजालद्वारा लिखित ‘डाँफे’ कृतिको लोकार्पण कार्यक्रममा बोल्दै उनले ‘गीता’का बारेमा पनि छलफल गर्नुपर्ने बताएका हुन्।

‘यसैगरी गीताले पनि हाम्रा धेरै मान्छेहरुलाई प्रभावित पारेको छ। खासगरी गीता के हो, कहिले छलफल गरेका छौं? यसमा छलफल गर्नुपर्छ। अध्यात्मका बारेमा सबैले पढ्नुपर्छ,’ उनले भने, ‘लेखकले पढ्ने भनेको एउटा बाँचिरहेको समाज हो, अर्को आफूसँग उपलब्ध ज्ञानका माध्यमहरुलाई पढ्ने हो। राम्रो लेखक हुन राम्रो पाठक पनि हुनुपर्छ । ज्ञानको ज्योति जति फैलिँदै जान्छ मान्छेको उडान त्यति नै  हुँदै जान्छ।’ 

उनले नेपाली साहित्यमा मदनमणी दिक्षितलाई नपढ्नु भनेको एउटा अमुल्य अनुभव नभोग्नु भएको बताए। उनले वौद्धिक साहित्य, वेद वा दर्शनका बारेमा र हाम्रा प्राचिन वाङ्मयका बारेमा पढ्नुपर्छ भने गहन रुपमा बुझ्न सक्ने बताए।