जंगली च्याउ खाँदा पाँच जना बिरामी

तनहुँ, वैशाख २२ : घर नजीकै जंगलबाट ल्याइएको च्याउ खाँदा  एकै परिवारका पाँच जना बिरामी परेका छन्।  देवघाट गाउँपालिका–५ साउने निवासी ४२ वर्षीय कृष्ण भुजेलको परिवार जंगली च्याउ खाएर विरामी परेका हुन्।

तिनमध्ये बुबा कृष्ण  र उनका १५ वर्षीय छोरा धनलालको अवस्था गम्भीर रहेको र दुवैको पुरानो मेडिकल भरतपुरमा उपचार भरहेको प्रहरीले जनाएको छ। त्यसैगरी ४० वर्षीया श्रीमती गौरी तथा छोरा २१ वर्षीय तीर्थ र १७ वर्षीय मीनबहादुरको भरतपुर अस्पताल चितवनमा उपचार भइरहेको इलाका प्रहरी कार्यालय देवघाटका प्रहरी नायब निरीक्षक उज्ज्वल तिलुवालले जानकारी दिए।