सुनको मूल्य तोलामै ५७ सय बढ्यो, कतिमा हुँदैछ कारोबार?

काठमाडौं, चैत २८ : नेपाली बजारमा बिहीबार सुनको मूल्यले नयाँ रेकर्ड कायम गरेको  छ।  

नेपाल सुनचाँदी व्यवसायी महासंघका अनुसार बिहीबार सुनको मूल्य तोलामा पाँच हजार ७ सय रुपैयाँले बढेको हो। 

बिहीबार यससँगै छापावाल सुनको मूल्य तोलामा एक लाख ८१ हजार १ सय रुपैयाँ कायम भएको छ। अघिल्लो दिन सुनको मूल्य तोलामा एक लाख ७५ हजार ४ सय रुपैयाँ कायम भएको थियो। 

यस्तै, आज चाँदीको मूल्य पनि बढेको छ। बुधबार एक हजार ८ सय ३५ रुपैयाँमा कारोवार भएको चाँदी आज ६५ रुपैयाँले बढेर १ हजार ९ सय  रुपैयाँमा  कारोवार भइइरहेको छ।