चट्याङ लागेर झापामा एक जनाको मृत्यु

झाप, चैत २७ : झापाको गौरादह नगरपालिका–५ बालुबथानमा चट्याङ लागेर आज एक जनाको मृत्यु भएको छ।

घरमै खाजा खाने क्रममा चट्याङ लागेर ५४ वर्षीय दुधकुमार लावतीको घटनास्थलमै मृत्यु भएको प्रहरीले जनाएको छ।

मृतक लावती पाँचथरको मिक्लाजुङ गाउँपालिका–३ आरुभोटे स्थायी घर भई हाल झापाको गौरादहमा गोमनाथ चेम्जुङको अधिया खेती गर्दै आएका थिए ।

आवश्यक कानुनी प्रक्रिया पूरा गरी शव परीक्षणका लागि दमक अस्पताल पठाइएको प्रहरीले जनाएको छ।