१२ सय रुपैयँँ बढेको सुनको मूल्यले बनायो नयाँ रेकर्ड 

काठमाडौं, चैत २१ : बिहीबार नेपाली बजारमा सुनको मूल्य तोलाको एक लाख ८० हजार रुपैयाँभन्दा माथि पुगेको छ। 

बिहीबार छापावाल सुनको मूल्य तोलाको एक लाख ८० हजार ३ सय रुपैयाँ कायम रहेको नेपाल सुनचाँदी व्यवसायी महासंघले जनाएको छ। बिहीबार सुनको मूल्य प्रतितोला १२ सय रुपैयाँ बढेको हो।

यो हालसम्मकै उच्च हो । सुनको यसअघिको उच्च मूल्य चैत १९ गते प्रतितोला एक लाख ७९ हजार ७ सय रुपैयाँ कायम थियो। बुधबार छापावाल सुनको मू एक लाख ७९ हजार १ सय रुपैयाँमा किनबेच भएको थियो।

यसैगरी चाँदीको मूल्यमा भने गिरावट आएको छ। बुधबार प्रतितोला दुई हजार २० रुपैयाँमा कारोबार भएको चाँदी आज एक हजार ९९५ रुपैयाँ कायम भएको महासंघले जनाएको छ।