बालेन काटे पूर्वराजालाई ७ लाख ९३ हजार जरिबानाका लागि पत्र

काठमाडौं, चैत १६ : काठमाडौं महानगरपालिकाले पूर्वराजा ज्ञानेन्द्र शाहलाई झण्डै ८ लाख जरिबानो तिर्न भन्दै पत्र काटेको छ।

शुक्रबार तीनकुनेमा भएको प्रदर्शनलाई लिएर महानगरले पूर्वराजालाई ७ लाख ९३ हजार जरिवाना तिर्न पत्र लेखेको हो। 

महानगरले विभिन्न ९ वटा शीर्षकमा गरेर सो रकमको जरिवाना तोक्ने निर्णय गरेको छ। 

राजावादीको हिंसात्मक आन्दोलनको क्रममा महानगरको दमकलसहित अन्य विभिन्न भौतिक संरचनामा क्षति पुगेको थियो। 

महानगरले क्षतिपूर्ति भराउने प्रयोजनका लागि पूर्वराजा शाहलाई ७ लाख ९३ हजार जरिबानाको सजाय गरेको हो। आन्दोलनको क्रममा पत्रकार र प्रदर्शनकारीसहित दुई जनाको ज्यान गएको थियो भने दर्जनौं घाइते भएका थिए।