पुरानो मुद्दा चाँडो टुंग्याउन माग राखेर हितेन्द्र देव पनि पुगे सर्वोच्च

काठमाडौं, चैत १३ : सरकारले कुलमान घिसिङलाई हटाएर नेपाल विद्युत प्राधिकरणमा कार्यकारी निर्देशक नियुक्त गरेका हितेन्द्रदेव शाक्यले पनि सर्वोच्च अदालतमा रिट दायर गरेका छन् ।

सरकारले विगतमा शाक्यलाई पदबाट हटाएर घिसिङलाई नियुक्त गरेपछि त्यसविरुद्ध यसअघि नै सर्वोच्चमा रिट निवेदन दर्ता गरेका थिए ।

चार वर्षसम्म पनि सर्वोच्च अदालतले फैसला गरेको छैन।

उनले २०७८ साल भदौ १ गते सर्वोच्च अदालतमा रिट निवेदन दिएका थिए । सोही रिट चाँडो टुंग्याउन माग राखेर उनले सर्वोच्च अदालतमा रिट दायर गरेका हुन्।

उनले आफ्नो कार्यकाल बाँकी रहुञ्जेल चार बर्षसम्म फैसला नभएको प्रश्न रिटमा उठाएका छन्।