पद्मकन्यामा स्ववियु निर्वाचनको मतदान सकियो, मत गणनाको तयारी
पद्मकन्या क्याम्पसमा स्ववियु निर्वाचनका लागि विहीबार भएको मतदान सम्पन्न भएको छ।
काठमाडौं, चैत ७ : पद्मकन्या क्याम्पसमा स्ववियु निर्वाचनका लागि विहीबार भएको मतदान सम्पन्न भएको छ।
गत चैत ५ गतेका लागि तय भएको निर्वाचनमा विवाद उत्पन्न भएपछि सारिएको थियो।
कुल ६ हजार दुई तीन मतदातामध्ये १५ सय ९६ मत खसेको निर्वाचन समितिले जनाएको छ।
सर्वदलीय बैठकपछि साँझ ६ बजेदेखि गणना थालिने भएको छ। निर्वाचनमा नेविसंघबाट आधिकारिक रुपमा पुर्णिमाया परियारको प्यानल छ भने भूपी ऐर विद्रोहीबाट उठेकी छन्।
अनेरास्ववियु र अखिल क्रान्तिकारीको संयुक्त प्यानलबाट सुनिता घिमिरे सभापतिको उम्मेदवार बनेकी छिन्।
यस्तै, नेकपा एस निकट अनेरास्ववियू र विप्लव निकट नेकपाको अलग्गै प्यानलले निर्वाचनमा प्रतिश्पर्धा गरेको छ । उक्त प्यानलबाट अनेरास्ववियूकी प्रजिना दर्नाल प्रतिश्पर्धामा भिडेकी छन् ।
प्रकाशित मिति: १८:०२ बजे, बिहीबार, चैत ७, २०८१
प्रतिक्रिया दिनुहोस्
थप समाचार
