दाहालको दाबी– आगामी चुनावमा माओवादी एक्लै लड्छ र जित्छ
‘माओवादी आफ्नै खुट्टामा उभिएर आफ्नै जनताको तागतको बलमा निर्वाचनमा जानेछ’
काठमाडौं, चैत २ : माओवादी केन्द्रका अध्यक्ष पुष्पकमल दाहालले आगामी निर्वाचनमा जनताको तागतको बलमा निर्वाचन गरी संघर्षमा जाने बताएका छन्।
शनिबार राजनैतिक प्रशिक्षण कार्यक्रममा बोल्दै उनले माओवादी आगामी निर्वाचनमा कांग्रेस, एमालेसँग गठबन्धन नगर्ने बताए।
‘अब आउने दिनमा माओवादी केन्द्रले नेपाली कांग्रेस, एमालेसँग समिकरण गर्ने कुरालाई होइन आफ्नै खुट्टामा उभिएर आफ्नै जनताको तागतको बलमा निर्वाचनमा जानेछ,’ उनले भने, ‘हिजो ०६४मा जसरी आफ्नै एजेण्डाको बलमा आफ्नै जनताको तागतमा गएका थियौं अब एकचोटि फेरी हामी आफ्नै जनता र वर्गतिर जानुपर्छ भन्ने हाम्रो निष्कर्ष छ।’
अध्यक्ष दाहालले उनले संगठानात्मक गतिविधि जुन स्टिममा अगाडि बढ्नुपर्ने हो त्यो पार्टीभित्र नबढेको बता । उनले पार्टी भित्रको गुटबन्दी, अराजकता, सबै हटाउनुपर्ने बताए।
‘हाम्रो पार्टी जस्तो स्थितीमा अहिले छ पार्टीभित्रको गुटबन्दी, अराजकता, असाध्यै बढि व्यत्तिवादी आत्मकेन्द्रित हुने प्रक्रियामा छ,’ अध्यक्ष दाहालले भने, ‘संगठानात्मक गतिविधि जुन स्टिममा अगाडि बढाउनुपर्ने थियो त्यसरी बढेको छैन, त्यसकारण हामीले यो यथास्थितीलाई तोड्पर्ने हुन्छ र नयाँ यथार्ततिर नयाँ प्रक्रियातिर हामी जानुपर्ने हुन्छ भनेर हामीले संकल्प लिएका छौं।’
