तनहुँ कांग्रेसका सदस्य पौडेलको दुर्घटनामा मृत्यु
पृथ्वी राजमार्गअन्तर्गत तनहुँको शुक्लागण्डकी नगरपालिका–२ नर्सरीमा शनिबार राति पौडेल सवार मोटरसाइकल दुर्घटनामा परेको थियो।
तनहुँ, फागुन २५ : तनहुँ कांग्रेसका जिल्ला सदस्य बालकृष्ण पौडेलको दुर्घटनामा परी मृत्यु भएको छ।
पृथ्वी राजमार्गअन्तर्गत तनहुँको शुक्लागण्डकी नगरपालिका–२ नर्सरीमा शनिबार राति पौडेल सवार मोटरसाइकल दुर्घटनामा परेको थियो।
पोखराबाट बेलचौतारातर्फ आउँदै गरेको ग १३ प ५०६२ नम्बरको मोटरसाइकल दुर्घटना हुँदा ५२ वर्षीय पौडेलको मृत्यु भएको प्रहरीले जनाएको छ।
मोटरसाइकल दुर्घटनामा परी गम्भीर घाइते भएका पौडेललाई उपचारका लागि जिपी कोइराला अस्पताल पुर्याइएको थियो । अस्पतालमा चिकित्सकले पौडेललाई मृत घोषणा गरेका थिए।
प्रकाशित मिति: १५:२५ बजे, आइतबार, फागुन २५, २०८१
प्रतिक्रिया दिनुहोस्
थप समाचार
