बेचन झाको मिसिल झिकाउन सर्वोच्चको आदेश 

काठमाडौं, फागुन १९ : सर्वोच्च अदालतले नक्कली भुटानी शरणार्थी प्रकरणमा थुनामा रहेका बेचन झाको मुद्दामा तल्लो अदालतबाट मिसिल झिकाउने आदेश दिएको छ। 

सर्वोच्चका न्यायाधीश तिलप्रसाद श्रेष्ठ र महेश शर्मा पौडेलको संयुक्त इजलासले सोमबार मिसिल झिकाउने आदेश दिएको हो ।

नेपाली नागरिकलाई नक्कली भुटानी शरणार्थी बनाएर अमेरिका पठाउने कार्यमा संलग्नतको आरोपमा झा गत असार ५ गते कञ्चनपुरबाट पक्राउ परेका थिए ।

झाविरुद्ध ठगी, लिखत किर्ते, राज्यविरुद्ध र संगठित अपराध सम्बन्धी कसुर अभियोग लगाइएको छ ।

जिल्ला र उच्च अदालतले पुर्पक्षका लागि थुनामा पठाएपछि झा सर्वोच्च पुगेका हुन् ।