कैलालीको जंगलमा २ शव भेटियो

कैलाली, फागुन १८ : कैलालीको जंगलमा दुई शव भेटिएको छ। 

आइतबार धनगढी उपमहानगरपालिका–९ स्थित सालघारी सामुदायिक वनमा दुई युवाको शव भेटिएको प्रहरीले जनाएको छ। 

प्रहरीका अनुसार उनीहरू धनगढी–१० का देवल चौधरी र सोही ठाउँका कैदा राना छन्। 

चौधरीको शव साइकलको ट्युबको डोरीले घाँटीमा पासो लगाएर रुखमा झुण्डिएको अवस्थामा र करिब १५ मिटर पर रानाको शव भुईँमा फेला परेको प्रहरीले जनाएको छ। 

प्रहरीले मुचुल्का गरेर शव  पोस्टमार्टमका लागि पठाएको छ।

यस्तै, प्रहरीले घटनाको अनुसन्धान अगाडि बढाएको छ।