शनिबारको मौसम पूर्वानुमान : देशभर सामान्य बदली

काठमाडौं, वैशाख १३ : मौसम पूर्वानुमान महाशाखाका अनुसार हाल देशमा पश्चिमी वायु र स्थानीय वायुको साथ साथै बंगालको खाडीबाट समेत जलवाष्पयुक्त हावाको समेत प्रभाव परेको छ ।

महाशाखाले हाल देशको पूर्वी, मध्य भू–भाग र पश्चिमी पहाडी भू–भागमा सामान्य बदली रही बाँकी भू–भागमा आंशिक बदली रहेको  साथै पूर्वी र मध्य भू–भागको केही स्थानहरुमा वर्षा भइरहेको जनाएको छ । महाशाखाले जारी गरेको पूर्वानुमानमा उल्लेख भए अनुसार आज दिउँसो देशभर सामान्य बदली रहनेछ ।

पश्चिमी भू–भागका केही  स्थान, मध्य र पूर्वी भूभागका थोरै स्थानमा  मेघगर्जन, चट्याङ्ग  र हावाहुरी सहित वर्षाको सम्भावना रहेको छ। यसैगरी, राति  पश्चिमी पहाडी भू–भाग, मध्य र पूर्वी भू–भागमा सामान्य बदली रही बाँकी भू–भागमा आंशिक बदली रहने जनाएको छ ।  

मध्य र पूर्वी भू–भागका थोरै स्थानमा  र पश्चिमी पहाडी भू–भागका एक÷दुई स्थानमा मेघगर्जन, चट्याङ्ग, असिना र हावाहुरी सहित वर्षाको सम्भावना रहेको पूर्वानुमानमा उल्लेख छ ।