विशेष अदालतको सदस्यमा कोइराला, राजस्व न्यायाधीकरण काठमाडौंको अध्यक्षमा प्याकुरेल

काठमाडौं, पुस २९ : सरकारले विशेष अदालत काठमाडौँको सदस्य पदमा न्यायाधीश विदुर कोइराला र राजश्व न्यायाधिकरण काठमाडौँको अध्यक्ष पदमा उच्च अदालत पाटनका न्यायाधीश ब्रजेश प्याकुरेललाई तोक्ने निर्णय गरेको छ । 

कोइरालालाई उच्च अदालत पाटनमा न्यायाधीश थिए।

मन्त्रिपरिषदको निर्णय अनुरुप विशेष अदालतको रिक्त एक सदस्य पदमा कोइरालालाई तोक्ने र राजश्व न्यायाधिकरणको अध्यक्षमा प्याकुरेललाई तोक्ने गरी गत पुस २६ गते भएको निर्णय सोमवार सार्वजनिक भएको छ।

न्याय परिषदको सिफारिसमा कोइराला सदस्यमा र प्याकुरेल न्यायाधिकरण अध्यक्ष तोकिएका हुन् ।