मलद्वारमा सुन लुकाएर ल्याउने तीन जना पक्राउ

काठमाडौं, पुस २७ : नेपाल प्रहरीले दोहाबाट मलद्वारमा सुन लुकाएर ल्याउने तीन जना पक्राउ परेका छन्। 

मलद्वारामा सुन लुकाएर ल्याएका सप्तरी घर भएका ३२ वर्षीय कृष्णप्रसाद चौधरी, ३० वर्षीय मोहम्मद इलियास र सुनसरीको इटहरी उपमहानगरपालिका–१९ का २७ वर्षीय शिवशंकर चौधरीलाई प्रहरीले त्रिभुवन अन्तर्राष्ट्रिय विमानस्थलबाट शुक्रबार प्रक्राउ गरेको हो।

प्रहरीले तीनै जनालाई कारबाहीका लागि भन्सार कार्यालय चलान गरेको छ। 

हिमालय एयरलाइन्सको उडानद्वारा दोहाबाट काठमाडौं आएका उनीहरूलाई विमानस्थलको अन्तर्राष्ट्रिय उडानतर्फको आगमन टनेल गेटमा जाँचगर्ने क्रममा पक्राउ गरिएको थियो। 

प्र्रहरीले कृष्णप्रसादको साथबाट करिब ५८ दशमलव ३३ ग्राम तौलको सिक्री १ थान, मोहम्मदको साथबाट करिब ५८ दशमलव ३३ ग्राम तौलको सिक्री १ थान र शिवशंकरको साथबाट करिब ५८ दशमलव ३३ ग्राम तौलको सिक्री १ थान बरामद गरेको जनाइएको छ।