सहकारी ठगी प्रकरणमा मुछिएकी लेखा समिति सभापति पोखरेलकी श्रीमती अदालत उपस्थित
मोरङको धनपालथान–३ स्थित उमागौरी सहकारी संस्थाको ठगी प्रकरणमा मुछिएकी उनी बुधबार मोरङ जिल्ला अदालतमा उपस्थित भएकी हुन्।
मोरङ, पुस २४ : सहकारी गठी प्रकरणमा मुछिएपछि फारार रहेकी सार्वजनिक लेखा समिति सभापति ऋषिकेश पोखरेलकी श्रीमती अञ्जला कोइराला अदालतमा उपस्थित भएकी छिन्।
मोरङको धनपालथान–३ स्थित उमागौरी सहकारी संस्थाको ठगी प्रकरणमा मुछिएकी उनी बुधबार मोरङ जिल्ला अदालतमा उपस्थित भएकी हुन्। कोइराला बुधबार कार्यालय समय हुनासाथ अदालतमा उपस्थित भएकी हुन्।
प्रहरीले सहकारीको करिब २२ करोड रुपैयाँ हिनामिना गरेको आरोप प्रकरणमा अञ्जलासहित २६ जनाविरुद्ध गत मंसिर २७ गते जिल्ला अदालतमा मुद्दा दायर गरेको थियो ।
विराटनगरको महेन्द्र रात्रि मावीमा शिक्षिका उनी मुद्दा दायर भएपछि फरार थिइन्।
जिल्ला अदालतका न्यायाधीश उद्धवप्रसाद भट्टराईको इजलासमा उनको थुनछेक बयान हुने गरी पेसी तोकिएको छ।
यो सहकारीका रकम हिनामिनामा मुद्दा दायर भएका २६ जनामध्ये एक जना पुर्पक्षका लागि थुनामा र १ जना धरौटीमा रिहा हुँदा २३ जना अझै फरार छन्।
