एनपिएल फाइनल : जइब र विनाेदकाे विकेटपछि जनकपुर खेलमा फर्कियो

काठमाडाैं, पुस ६ : टियू मैदानमा जारी एनपिएलको फाइनलमा सुदूरपश्चिम रोयल्सविरुद्ध जनकपुर बोल्ट्सले उत्कृष्ट पुनरागमन गरेको छ। 

जारी फाइनलमा टस जितेर पहिला ब्याटिङ गरेको सुदूरपश्चिमलाई सैफ जइब र विनोद भण्डारीले १२ ओभरम ११७ रनको साझेदारी गर्दै उत्कृष्ट सुरुआत दिलाएका थिए। जइबले ६९ र विनोदले ४१ रन बनाए।

तर, १२औं ओभरको अन्तिम बलमा किशोर महतोले जबइको विकेट लिए पछि भने जनकपुर खेलमा फर्कियो। लगत्तै अर्को ओभरको दोस्रो बलमा ललित राजवंशीले सेट ब्याट्सम्यान विनोद भण्डारीलाई बोल्ड गरे।

दुवै सेट ब्याट्सम्यान आउट भएपछि जनकपुर खेलमा फर्किएको थियो। त्यसपछि १औं ओभरको अन्तिम बलमा मोहम्मद मोहसिनले हर्मित सिंह र १६औं ओभरको अन्तिम बलमै जिमी निशमले ब्रान्डन म्याकमलेनको विकेट लिँदै जनकपुरलाई पुनरामगन गराए।

१२औं ओभरमा ११७÷०को अवस्थामा रहेको सुदूरपश्चिम १६ ओभरको समाप्तिमा १४९÷४को अवस्थामा आएको छ।