कृषाको ‘पिताम्बर’ चैत्र २९ मा आउने 

काठमाडौं, पुस ५ : कृषा चौलागाईद्वारा निर्देशित फिल्म ‘पिताम्बर’ले प्रदर्शन मिति घोषणा गरिएको छ ।

शुक्रबार निर्माण युनिटले एक पोस्टर सार्वजनिक गर्दै फिल्म नयाँ वर्षको अवसरम चैत्र २९ गतेबाट प्रदर्शनमा आउने घोषणा गरेको हो। 

सार्वजनिक पोस्टरमा मुख्य तीन कलाकार प्रदीप खड्का, सौगात मल्ल र दयाहाङ राई फिचर्ड छन्। 

‘पिताम्बर’मा स्टार कलाकारहरूको बलियो लाइनअप छ। जसमा सौगात, प्रदीप र दयाहाङसँगै दिव्या रायमाझी, अनुपविक्रम शाही, सुरक्षा पन्त, प्रमोद अग्रहरी, दिव्यदेव, सुपुष्पा भट्ट, कामेश्वर चौरासिया, गौरव विष्ट, विशाल पहारी लगायत छन्। 

पुरुषोत्तम प्रधानले खिचेको फिल्ममा प्रदीप भारद्धाजको लेखन र हिमाल केसीको द्वन्द्व निर्देशन रहेको छ । फिल्मको निर्माता विशाल चौलागाई हुन्।